يقطع أبو الحب و أبو سنينه
للبيت أنا جيت
من الباب خشيت
فى عينيهـــا بصيـت
بعديــــــن طبيـــــــــت
آل إيه حبيــــــــت
و القلب تقطع سكاكينه
يقطع أبو الحــــب و أبو سنينه
. . .
بعديها مشيت
طرت و حطيـــت
و بإيـــدى جسيــــــت
فى مكانه ما لقيـــت
ده معاها القلب أنا نسيته !!
يقطع أبو الحــــــب و أبو سنينه
. . .
و عالتليفون
مدمـــن بجنـــون
أشحــــن فى رصيــــد
و إخلًــص يا رصيد
لحد ما الجيب أنا فضيته
يقطع أبو الحــــب و أبو سنينه
. . .
و عالوصفه مشيت
لحد ما خسيت
و نزلت يجى عشرين كيلو
يقطع أبو الحـــــب و أبو سنينه
. . .
أقعد و أقول
أنا بيك مشغول
تـــــزعل و تقـــول
ده مش معقول
و العقل تلخبط لخابيطه
يقطع أبو الحب و أبو سنينه
. . .
أرجع و أقول
أنا لك على طول
تسكــــت ما تقــــول
خالـص و لا قــول
و ده يرضى مين يا اخواتى فيكوا
يقطـــــع أبو الحــــــب و أبــــو سنينه
. . .
تزعل و أصالحها
و أنا الغلطان
أزعل و أصالحها
ما أنا الغلطان
إزاى و إزاى أكون زعلان
و فى كل مره أنا الغلطان
شوفتوا بقى الحب و تفانينه
يقطع أبو الحـــــــب و أبو سنينه
. . . . . . . . . . . .
موضوع: يقطع أبو الحب و أبو سنينه 
الخميس أكتوبر 08, 2009 4:53 am
